Рус Бел Eng 中文

Палявыя работы ў Магілёўскай вобласці ў цэлым праводзяцца арганізавана і своечасова – КДК

У мэтах выканання даручэнняў кіраўніка дзяржавы Камітэт дзяржкантролю Магілёўскай вобласці ажыццяўляе кантроль за правядзеннем вясновай пасяўной кампаніі ў сельгасарганізацыях рэгіёна. Яго вынікі паказалі, што ў цэлым палявыя работы праводзяцца арганізавана і своечасова. На 21 красавіка ў рэгіёне было пасеяна 48% яравых культур.

Разам з тым быў выяўлены шэраг праблемных пытанняў, органам улады і кіравання ўнесены адпаведныя прапановы па іх аператыўным вырашэнні. Як вынік, у асобных гаспадарках Бабруйскага, Крычаўскага, Касцюковіцкага, Клімавіцкага, Хоцімскага і іншых раёнаў, дзе да пасяўной не ў поўнай меры была падрыхтавана сельгастэхніка, у тым ліку энерганасычаныя трактары, абаротныя плугі, сеялкі, дыскатары, раскідвальнікі арганічных і мінеральных угнаенняў, пагрузчыкі, апырсквальнікі, забяспечаны актывізацыя яе рамонту і задзейнічанне на палявых працах.

У шэрагу сельгасарганізацый Бабруйскага, Касцюковіцкага і Клімавіцкага раёнаў спынены пасеў яравых па няякасна падрыхтаваных палях.

Па выяўленых камітэтам выпадкаў недастатковага забеспячэння гаспадарак рэгіёна мінеральнымі ўгнаеннямі (забяспечанасць імі да пачатку сяўбы складала толькі 43%), якаснага пасяўнога матэрыялу, ГЗМ, хімічных сродкаў абароны раслін, у тым ліку пратручвальнікаў насення, Магілёўскім аблвыканкамам і райвыканкамамі прыняты аператыўныя меры па закупцы дадатковых аб’ёмаў пералічаных тавараў.

За дапушчаныя недахопы да дысцыплінарнай адказнасці прыцягнутыя 73 службовыя асобы райсельгаспрадаў і сельгасарганізацый. Кантроль працягваецца.

Пры выкарыстанні матэрыялаў актыўная гіперспасылка на mogilev-region.gov.by абавязковая