Памятнае гашэнне спецыяльнага канверта да 75-годдзя вызвалення Беларусі ад нямецка-фашысцкіх захопнікаў адбудзецца ў Магілёве 9 красавіка

Міністэрства сувязі і інфарматызацыі выпускае ў абарачэнне памятныя спецштэмпелі, якія будуць выкарыстоўвацца 9 красавіка для правядзення спецыяльнага памятнага гашэння, прысвечанага 75-годдзю вызвалення Беларусі ад нямецка-фашысцкіх захопнікаў. Пра гэта паведамілі ў РУП «Белпошта».

Колер масцікі – чырвоны. Дызайн спецштэмпеляў распрацавала Яўгенія Бядонік.

Да гэтай падзеі «Белпошта»падрыхтавала мастацкі маркіраваны канверт з літарнай маркай «А». Намінал маркі «А» адпавядае тарыфу на перасылку простага ліста масай да 20 г уключна ў межах Беларусі. Праект падрыхтаваны ў супрацоўніцтве з Беларускім дзяржаўным музеем гісторыі Вялікай Айчыннай вайны. Дызайн канверта таксама Яўгеніі Бядонік, наклад – 30 тыс.

Памятнае гашэнне ў Магілёве адбудзецца ў аддзяленні паштовай сувязі №30 (вул. Першамайская, д. 28).