Рус Бел Eng 中文

Папулярызацыя масавых відаў спорту стымулюе да здаровага ладу жыцця – намеснік прэм’ер-міністра Ігар Петрышэнка

здаровага ладу жыцця. Такое меркаванне выказаў намеснік прэм’ер-міністра Ігар Петрышэнка сёння падчас сустрэчы з працоўным калектывам цэнтральнай раённай бальніцы Асіповічаў.

Паводле слоў віцэ-прэм’ера, пытанне папулярызацыі ЗЛЖ і актыўнага развіцця масавых відаў спорту ў раёне абмяркоўвалася сёння з мясцовым кіраўніцтвам. «Развіццё спартыўнага складніка павінна быць адным з прыярытэтных напрамкаў у рабоце такога буйнога раёна, як Асіповіцкі, – адзначыў Ігар Петрышэнка. – Цяпер, у зімовых умовах, трэба забяспечыць на кожным стадыёне заняткі лыжным спортам, павінны быць заліты ўсе хакейныя пляцоўкі, арганізаваны пракат канькоў і іншага спартыўнага інвентара».

На думку Ігара Петрышэнкі, клопат аб уласным здароўі кожнага чалавека з’яўляецца важным складнікам ў жыцці грамадства. «У нашай дзяржаве гэтаму надаецца вялікая ўвага – будуюцца новыя аб’екты, развіваецца спартыўная інфраструктура, паляпшаецца матэрыяльна-тэхнічная база спартыўных устаноў, – падкрэсліў ён. – Не выключэнне і горад Асіповічы, дзе літаральна месяц таму пачаў працу ў тэставым рэжыме сучасны ФАК «Жамчужына»».

Пасля сустрэчы з медыкамі намеснік прэм’ер-міністра асабіста азнаёміўся з працай новага фізкультурна-аздараўленчага комплексу «Жамчужына». Тут працуе 3 басейны: для спартыўнага плавання на тры дарожкі, з элементамі аквапарку і для навучання плаванню дзяцей ад 3 да 6 гадоў. Таксама маюцца залы для аэробікі, трэнажорны і більярдны, саўна.

За першы месяц працы загрузка фака склала 76%, спартыўны аб’ект наведала больш за 6 тыс. жыхароў Асіповічаў і раёна. Аднаразовая прапускная здольнасць комплексу складае 352 чалавекі.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая