Персанальная выстава Уладзіміра Напрэенкі, прысвечаная 75-годдзю мастака, адкрыецца 19 красавіка ў 15.00 у Магілёўскім абласным мастацкім музеі імя П. В. Масленікава. Пра гэта карэспандэнту сайта паведамілі ва ўстанове культуры.
У экспазіцыю пад назвай «Мелодыі акварэлі» увойдуць 60 работ, напісаных таленавітым выхадцам з Магілёва ў розныя перыяды сваёй творчасці. На выставе у наведвальнікаў будзе магчымасць не толькі прасачыць творчую эвалюцыю мастака, тое, як мяняўся яго стыль, погляды, але і пазнаёміцца з дзіўнымі краявідамі. Тут можна будзе палюбавацца відамі абласнога цэнтра і Прыдняпроўскага краю, палотнамі, створанымі падчас падарожжаў па Сінявокай.
«У кожнай працы адчуваецца асаблівы настрой, – адзначылі суразмоўцы. – Тут прысутнічаюць ноткі суму, смутку, яркасць і сакавітасць каляровай гамы. У карцінах Уладзіміра Напрэенкі шмат сонца, з якім і асацыіруецца сам мастак дзякуючы сваёй шчырасці, цяплу і бязмернай любові да людзей».
Выстава ў Магілёўскім абласным мастацкім музеі імя П. В. Масленікава будзе працаваць да 12 мая.
Пры выкарыстанні матэрыялаў актыўная гіперспасылка на mogilev-region.gov.by абавязковая
02.09.2025 - 14:25
Бліны па аўтэнтычных рэцэптах можна будзе пакаштаваць 6 верасня на бліна-фэсце ў Бялыніцкім раёне
25.08.2025 - 12:26
Тры эскізы спектакляў распрацавалі артысты Магілёўскага тэатра лялек разам з расійскімі калегамі
20.08.2025 - 12:14
Чаму трэба наведаць фестываль народных промыслаў і рамёстваў «Краснапольскі глечык»
19.08.2025 - 15:31
Пейзаж Юлія Клевера «Закат» будзе прадстаўлены ў Магілёве на выставе адной карціны
18.08.2025 - 14:45
Выстава двух вялікіх майстроў жывапісу адкрыецца ў Магілёве 22 жніўня