Першы этап сезоннага адключэння гарачай вады ў Магілёве стартуе 10 чэрвеня

Першы этап сезоннага адключэння гарачай вады ў Магілёве стартуе 10 чэрвеня. Пра гэта паведамілі ў філіяле «Магілёўскія цеплавыя сеткі» РУП «Магілёўэнерга».

У сувязі з правядзеннем гідраўлічных выпрабаванняў цеплавых сетак па зоне цеплазабеспячэння кацельні № 1 па 23 чэрвеня будзе адсутнічаць гарачае водазабеспячэнне па:

вул. Грышына да жылых дамоў № 72, 74, 76, 78, 80;

вул. Крупскай да жылых дамоў № 51, 51а, 70;

вул. Ленінская;

вул. Піянерская;

вул. Першамайская;

пр. Міра да гасцініцы «Магілёў»;

у мікрараёне «Юбілейны».

Суразмоўцы падкрэслілі, што асноўныя выпрабаванні пройдуць 11–12 чэрвеня, а 20–21 чэрвеня– паўторныя. У гэтыя перыяды павышаны ціск можа прывесці да парываў трубаправодаў, размыву грунту, прасядання пакрыцця праезджай часткі і тратуараў, выхаду вады на паверхню зямлі. У гэтых выпадках варта тэлефанаваць у дыспетчарскую службу магілёўскіх цеплавых сетак па нумарах: 70-50-67, 70-59-68, 8-033-319-15-90 (МТС).

З графікам адключэння спажыўцоў цеплавой энергіі і правядзення выпрабаванняў цеплавых сетак у перыяд рамонтнай кампаніі 2020 года ў Магілёўскай вобласці можна азнаёміцца тут.