Праца са зваротамі грамадзян – на кантролі КДК

Калегія Камітэта дзяржкантролю Магілёўскай вобласці разгледзела вынікі кантролю выканання ў рэгіёне патрабаванняў заканадаўства па рабоце са зваротамі грамадзян і арганізацый у 2017 годзе.

Адзначана, што ў выніку комплексу прынятых у вобласці мер колькасць зваротаў грамадзян у Камітэт у 2017 годзе знізілася. Разам з тым, на месцах пакуль не ў поўнай меры адладжаны механізм якаснага разгляду зваротаў па сутнасці ў першай інстанцыі, што прымушае грамадзян шукаць абарону сваіх правоў у Камітэце дзяржкантролю і іншых дзяржаўных органах.

У мінулым годзе ад насельніцтва па-ранейшаму паступалі скаргі на хібы ў сферах ЖКГ, будаўніцтве і рамонту жылля, дарог, добраўпарадкавання населеных пунктаў, парушэнні працоўнага заканадаўства і іншыя. Па шэрагу з іх праблемныя пытанні грамадзян былі вырашаны толькі пасля звароту ў Камітэт дзяржкантролю.

Па выніках разгляду зваротаў і кантрольна-аналітычных мерапрыемстваў у гэтай сферы Камітэтам накладзены штрафы на агульную суму Br1,5 тыс., да адміністрацыйнай адказнасці прыцягнуты 12 службовых асоб, да дысцыплінарнай – 32, праваахоўнымі органамі ўзбуджаны 2 крымінальныя справы.

У мэтах прафілактыкі правапарушэнняў матэрыялы калегіі накіраваны ў Магілёўскі аблвыканкам, гаррайвыканкамы вобласці.