Прадстаўніца Магілёўшчыны заваявала бронзавую ўзнагароду на маладзёжным чэмпіянаце свету па самба

У Ташкенце (Узбекістан) завяршылася першынство свету па самба сярод юнакоў і дзяўчат, юніёраў і юніёрак 1998-2001 гадоў нараджэння. Турнір сабраў 370 спартсменаў з 29 краін.

У вагавой катэгорыі +75 кг у дзяўчат уладальніцай бронзавага медаля стала прадстаўніца Магілёўшчыны Анастасія Грышчанка. На шляху да п’едэстала яна атрымала некалькі перамог, але ў паўфінале саступіла Кацярыне Чоўгун з Украіны. У фінальным паядынку тытул пераможцы першынства свету заваявала расіянка Эліс Старцава.

Усяго на рахунку беларускіх самбістаў 1 сярэбраная і 6 бронзавых узнагарод.

mogilevnews.by