Рус Бел Eng 中文

Праект да юбілею Паўла Масленікава рыхтуе абласны мастацкі музей

Цікавы праект рыхтуе да 105-годдзя Паўла Масленікава Магілёўскі абласны мастацкі музей. Юбілей адзначаць 5 лютага.

«Гэта будзе выстава работ ўнукаў і праўнукаў Паўла Васільевіча. Экспазіцыяй мы хочам паказаць, як талент перадаецца ў пакаленнях, – расказала дырэктар установы культуры Алена Баброва. – Таксама запланаваны навуковыя канферэнцыі, чакаецца шмат гасцей».

Зараз у музеі прадстаўлены студзеньскі арт-праект «У палоне зімовай казкі». Яго арганізавалі сумесна з Магілёўскай дзіцячай школы выяўленчых мастацтваў. Работы хлопчыкаў і дзяўчынак ўпрыгожылі цэлую залу музея. Акрамя таго, для дзяцей на працягу месяца будуць паказваць тэатр-батлейку і ладзіць майстар-класы.

Па матэрыяле ТРК «Магілёў»

При использовании материалов активная гиперссылка на mogilev-region.gov.by обязательна