Тэлерадыёкампанія «Магілёў» рыхтуецца да дабрачыннага тэлемарафону «Сагрэем дзіцячыя сэрцы». Ён пачнецца сёння ў 14.00 і завершыцца ў 20.30. Трансляцыя пройдзе ў прамым эфіры на тэлеканале «“Беларусь 4” Магілёў» і «Радыё Магілёў», а таксама ў Інтэрнэце.
За 6,5 гадзін у студыі ТРК пабывае больш за паўсотні гасцей: тыя, каму патрэбна дапамога, і тыя, хто валодае спагадлівымі сэрцамі. На працягу тэлемарафона гледачы ўбачаць шмат жыццёвых сюжэтаў і творчых нумароў. Але ўсё ж галоўнае – аказаць матэрыяльную дапамогу і прыцягнуць увагу да праблем дзяцей з малазабяспечаных і шматдзетных сем’яў, дзяцей-сірот, якія знаходзяцца пад апекай, дзяцей-інвалідаў, хворых дзяцей.
Сёлета грошы збіраюцца на стварэнне камфортнага асяроддзя ў Бабруйскай дзіцячай бальніцы і Магілёўскім доме дзіцяці. На медыцынскае абсталяванне для Вясноўскага дома-інтэрната для дзяцей-інвалідаў і музычныя інструменты для Мсціслаўскай спецыяльнай агульнаадукацыйнай школы-інтэрната для дзяцей з цяжкімі парушэннямі маўлення, а таксама на адрасную дапамогу канкрэтным дзецям.
Прыняць удзел у марафоне можа кожны жадаючы, пералічыўшы сродкі на дабрачынны рахунак Магілёўскага аддзялення Беларускага дзіцячага фонду.
Для абанентаў МТС для ахвяраванняў трэба набраць *222*5# выклік. Абанент атрымлівае смс, з яго рахунку спісваецца Br2. Аказаць дапамогу таксама можна, набраўшы стацыянарны нумар 8 902 215 11 11 – спішацца Br3.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 12:13
Аляксандр Лукашэнка: асноўную рэальную рызыку для Беларусі стварае гарачая кропка ва Украіне
24.04.2024 - 14:34
«Гэта эвалюцыйнае развіццё». Аляксандр Лукашэнка на УНС аб новым этапе ў палітычным жыцці краіны
24.04.2024 - 09:07
Час выбраў нас! Усебеларускі народны сход пройдзе 24-25 красавіка ў Палацы Рэспублікі
23.04.2024 - 12:43
На пасадзе намесніка старшыні Магілёўскага аблвыканкама зацверджаны Алег Стэльмашок
20.04.2024 - 16:06