Прэзідэнт Беларусі Аляксандр Лукашэнка даў згоду на прызначэнне новых кіраўнікоў Касцюковіцкага і Крычаўскага райвыканкамаў

Прэзідэнт Беларусі Аляксандр Лукашэнка сёння разгледзеў кадравыя пытанні, паведамілі ў прэс-службе беларускага лідара.

Кіраўнік дзяржавы даў згоду на прызначэнне Аляксандра Гарбачэўскага старшынёй Касцюковіцкага райвыканкама; Сяргея Шацкага – старшынёй Крычаўскага райвыканкама.

Аляксандр Гарбачэўскі раней займаў пасаду намесніка старшыні райвыканкама, начальніка ўпраўлення сельскай гаспадаркі і харчавання Клімавіцкага райвыканкама.

Сяргей Шацкі працаваў першым намеснікам старшыні, начальнікам упраўлення сельскай гаспадаркі і харчавання Дрыбінскага райвыканкама.

На пасаду кіраўніка адміністрацыі Кастрычніцкага раёна Магілёва ўзгоднены былы дэпутат Пётр Салаўёў. У шостым скліканні Палаты прадстаўнікоў ён быў намеснікам старшыні Пастаяннай камісіі па прамысловасці, паліўна-энергетычным комплексе, транспарце і сувязі.

Па матэрыяле БЕЛТА