Рамонтныя работы ў Асіповіцкай СШ №4 плануецца завяршыць да верасня 2019 года

Рамонтныя работы ў Асіповіцкай СШ №4 плануецца завяршыць да верасня 2019 года. Пра гэта паведамілі ў аддзеле адукацыі Асіповіцкага райвыканкама.

У адпаведнасці з рашэннем раённага выканаўчага камітэта ад 28.11.2018 года № 25-12 генеральным праекціроўшчыкам па аб’екце «Аднаўленне страчаных канструкцыйных якасцяў будынка ДУА «Сярэдняя школа № 4 г. Асіповічы» па вуліцы Юбілейнай» прызначана ўнітарнае камунальнае вытворчае прадпрыемства «Архітэктура», якое ў цяперашні час вядзе работы па вырабе праектна-каштарыснай дакументацыі, пасля чаго будзе абрана арганізацыя па выкананні будаўніча-мантажных работ.

Нагадаем: школу ў Асіповічах закрылі ў канцы лістапада мінулага года з прычыны аварыйных пліт перакрыцця. У будынку 1966 года навучалася больш за 700 чалавек. Іх перавялі ў гімназію райцэнтра.