На пуцеправодзе ў Магілёве аднавілі работы, якія пачаліся восенню мінулага года. Іх прыпынілі з канца снежня 2019 года да 17 сакавіка 2020 года.

Зараз абліцоўваюць гранітам тумбы па абодва бакі моста, а хутка пачнецца ўстаноўка чыгунных агародж. Іх ужо вырабіў Гомельскі ліцейны завод «Цэнтраліт», паведамілі ў МДКУП «Упраўленне камунальных прадпрыемстваў». Работы пачаліся восенню мінулага года.

Рэканструкцыя набліжаецца да завяршэння. Дарожнікам трэба будзе пакласці верхні пласт асфальтабетоннага пакрыцця. Для выканання гэтых работ неабходна спрыяльнае надвор’е.

Сваю лепту ў абнаўленне моста ўнясе прадпрыемства «Магілёўзеленбуд». Фінальны акорд – добраўпарадкаванне і азеляненне ўчастка.

«Радыё Магілёў»