Рэканструкцыю дзіцячай бальніцы ў Бабруйску плануюць завяршыць у 2020 годзе

Рамонт і рэканструкцыю Бабруйскай дзіцячай бальніцы плануюць завяршыць у першай палове 2020 года. Больш за Br 10 млн. на гэтыя мэты вылучылі з гарадскога і абласнога бюджэтаў, таксама грошы збіралі на спецыяльных акцыях у горадзе на Бярэзіне.

Бальніца знаходзіцца ў будынках, якія ўзводзіліся ў 1938 і 1963 гадах. У апошні раз рамонт тут рабілі ў 1980-я, так што патрэба ў зменах наспела. Будаўнічыя працы ў бальніцы ідуць поўным ходам. На пляцоўцы працуе каля 80 чалавек. Спачатку спецыялісты разбуралі старыя канструкцыі, зараз узводзяць новыя перагародкі і праводзяць камунікацыі, абнаўляюць дах. На чарзе – вокны і абліцавальная плітка. У будынку з’явяцца ліфты, новая сістэма вентыляцыі, сучаснае начынне.

Бальніца разлічана на 150 месцаў, а таксама рэанімацыю. Пакуль ідзе рамонт, пацыентаў і ўрачоў перасялілі ў іншыя медбудынкі.

За паўгода аб’ём будаўнічых работ у Магілёўскай вобласці павялічыўся на 5% у параўнанні з I паўгоддзем 2018-га. У рэгіёне ёсць шэраг важных сацыяльных будоўляў. У іх ліку і дзіцячая бальніца ў Бабруйску.

Па матэрыяле ТРК «Магілёў»