Рэйдавыя мерапрыемствы «Страла» пройдуць у Магілёве і Магілёўскім раёне з 29 па 31 мая

З 29 па 31 мая ў Магілёве і Магілёўскім раёне супрацоўнікі абласной Дзяржаўтаінспекцыі і спецпадраздзялення ДПС «Страла» МУС Рэспублікі Беларусь правядуць рэйдавыя мерапрыемствы з адпрацоўкай аварыйна-небяспечных участкаў вулічна-дарожнай сеткі і аўтадарог. Пра гэта паведамілі ў аддзяленні па агітацыі і прапагандзе ДАІ УУС Магілёўскага аблвыканкама.

Паводле слоў суразмоўцаў, падчас планаваных мерапрыемстваў прыярытэтным кірункам будзе выяўленне грубых парушэнняў ПДР: кіраванне транспартам кіроўцамі, якія знаходзяцца ў стане ап’янення, а таксама «бяспраўнікамі», парушэнне правілаў абгону і перавозкі пасажыраў (у першую чаргу – дзяцей), непрадастаўленне перавагі пешаходам. Не застануцца без увагі і парушэнні з боку пешаходаў, а таксама іншых удзельнікаў дарожнага руху.

«Паводле статыстыкі, у выхадныя дні ўзрастае колькасць парушэнняў правілаў дарожнага руху, якія цягнуць за сабой шэраг аварый з цяжкімі наступствамі, – расказалі ў ДАІ. – Парушальнікі будуць прыцягнуты да адказнасці згодна з дзеючым заканадаўствам».