Рынкі Магілёва павялічылі колькасць бясплатных гандлёвых месцаў для рэалізацыі сельгаспрадукцыі пенсіянерамі і інвалідамі

З 13 верасня 2019 года па 31 снежня 2020 года дзейнічае пагадненне паміж Магілёўскім гарадскім выканаўчым камітэтам і ГУП «Цэнтральны рынак г. Магілёва» аб прадастаўленні дадатковых 30 гандлёвых месцаў і 20 гандлёвых месцаў на прывакзальным рынку на бязвыплатнай аснове пенсіянерам і інвалідам I і II групы. Тут названыя катэгорыі грамадзян могуць рэалізоўваць да 20 кг сельскагаспадарчай прадукцыі, паведамілі ва ўпраўленні гандлю і паслуг гарвыканкама.

Аднак ёсць пэўныя ўмовы. Тавар павінен быць вырашчаны на зямельным участку, прадастаўленым названым асобам у адпаведнасці з заканадаўствам для вядзення імі асабістай падсобнай гаспадаркі, садаводства, агародніцтва. Прадукцыя абавязана прайсці адпаведныя лабараторныя даследаванні і атрымаць заключэнне лабараторыі ветэрынарна-санітарнай экспертызы рынку аб яе адпаведнасці патрабаванням прававых актаў да якасці і бяспекі. Прадаўцы таксама павінны мець дакументы, якія пацвярджаюць права на льготу (пенсійнае пасведчанне; пасведчанне інваліда I або II групы) і медыцынскі дакумент з вынікамі праходжання флюараграфічнага абследавання, даўнасць правядзення якога адпавядае патрабаванням нарматыўных прававых актаў.