Семінар-практыкум для старшынь райвыканкамаў Магілёўскай вобласці адбудзецца 13–17 студзеня ў Чавускім раёне на базе спартыўна-аздараўленчага цэнтра «Рудзея». Пра гэта паведаміў галоўны спецыяліст упраўлення па рабоце з кадрамі галоўнага ўпраўлення арганізацыйна-кадравай працы аблвыканкама Дзмітрый Пярмінаў.

Вучоба аб’яднае практыку і тэорыю. Кожны дзень семінара будзе прысвечаны пэўнай тэматыцы – аграпрамысловаму комплексу, жыллёва-камунальнай гаспадарцы, сацыяльнай сферы, выбудоўванню працы з кадрамі, актуальным пытанням эканамічнага развіцця Магілёўшчыны. У якасці лектараў перад слухачамі выступяць навукоўцы, кіраўнікі і начальнікі камітэтаў, упраўленняў абласнога ўзроўню. Акрамя таго, удзельнікі практыкума пройдуць медабследаванне, для іх арганізуюць лячэбна-прафілактычныя і культурна-спартыўныя мерапрыемствы.