Шахматыстка Вольга Бадзелька стала другой на юнацкім ЧЕ ў Славакіі

Беларуская шахматыстка Вольга Бадзелька стала другой на юнацкім чэмпіянаце Еўропы ў Браціславе (Славакія), паведамілі ў прэс-службе Міністэрства спорту і турызму Беларусі.

Беларуска ва ўзроставай катэгорыі сярод дзяўчат да 18 гадоў набрала 7,5 ачка. Першае месца заваявала польская шахматыстка Алісія Слівічка, якая атрымала восем перамог і пацярпела толькі адно паражэнне ад Вольгі Бадзелька. У 9-м туры беларуска да апошняга змагалася за золата, але партыя завяршылася ўнічыю.

Яе партнёрка па камандзе Ксенія Зелянцова, якая выступала ва ўзроставай катэгорыі да 14 гадоў, стала чацвёртай. Такое ж месца ў спаборніцтвах сярод дзяцей да 8 гадоў заняла Варвара Мацкевіч.

У турніры прыняло ўдзел больш за 1,3 тыс. юных шахматыстаў з 48 краін.

Наступны буйны старт адбудзецца 15-19 жніўня ў мінскім Палацы спорту, дзе пройдзе чэмпіянат свету па хуткіх шахматах і бліцы сярод кадэтаў.

БЕЛТА