Рус Бел Eng 中文

Шведска-беларускі праект па ўдасканаленні дзейнасці дзяржаўнай службы занятасці плануюць рэалізаваць у Магілёўскай вобласці

Шведска-беларускі праект «Удасканаленне дзейнасці дзяржаўнай службы занятасці насельніцтва Рэспублікі Беларусь» плануюць рэалізаваць у Магілёўскай вобласці. Перспектывы супрацоўніцтва ў гэтым напрамку абмеркавалі сёння на сустрэчы старшыня камітэта па працы, занятасці і сацыяльнай абароне Магілёўскага аблвыканкама Святлана Тарасенка і прадстаўнік міжнароднага аддзела шведскай дзяржаўнай службы занятасці Пер Ліндберг.

У прыватнасці, гаворка ішла аб удасканаленні метадаў прагназавання рынку працы, занятасці сацыяльна ўразлівых груп насельніцтва, пашырэнні інфармацыйнага складніка ў працы службы занятасці, умацаванні супрацоўніцтва з наймальнікамі і інш.

Праект «Удасканаленне дзейнасці дзяржаўнай службы занятасці насельніцтва Рэспублікі Беларусь» ужо рэалізуецца ў Мінску, Віцебскай і Гродзенскай абласцях.

 

 

Пры выкарыстанні матэрыялаў актыўная гіперспасылка на mogilev-region.gov.by абавязковая