У Мінску ўзнагародзілі ўдзельнікаў і пераможцаў штогадовага творчага конкурсу на самае лепшае асвятленне ў сродках масавай інфармацыі пытанняў будаўніцтва і развіцця Узброеных Сіл, патрыятычнага выхавання насельніцтва Беларусі. Пра гэта паведамілі ў Міністэрстве інфармацыі.

У спаборніцтве прынялі ўдзел рэдакцыі перыядычных друкаваных выданняў, электронныя сродкі масавай інфармацыі.

Дыплома І ступені ў намінацыі «Прафесіяналізм і журналісцкае майстэрства» удастоены аўтарскі калектыў радыёпраграмы «Армейское “НеПросто Утро”» рэспубліканскага ўнітарнага прадпрыемства радыётэлецэнтр «Тэлерадыёкампанія “Магілёў”» за творчасць і арыгінальнасць ідэі.

За актыўны ўдзел у асвятленні пытанняў патрыятычнага выхавання насельніцтва граматы міністра абароны ўручылі творчым калектывам:

– краснапольскай раённай газеты «Чырвоны сцяг»;

– мсціслаўскай раённай газеты «Святло Кастрычніка»;

– быхаўскай раённай газеты «Маяк Прыдняпроўя».

За актыўны ўдзел у асвятленні пытанняў патрыятычнага выхавання насельніцтва дыпломамі Міністэрства інфармацыі ўзнагароджаны творчыя калектывы:

– асіповіцкай раённай газеты «Асіповіцкі край»;

– круглянскай раённай газеты «Сельскае жыццё».