Каля 800 удзельнікаў збярэ абласная летняя спартакіяда сярод сельскіх раёнаў, аб'яднанняў, прадпрыемстваў і арганізацый аграпрамысловага комплексу рэгіёну. Спартыўнае мерапрыемства пройдзе на Слаўгарадчыне 28-29 чэрвеня, распавялі карэспандэнту сайта ў Магілёўскім абласным камітэце Беларускага прафсаюза работнікаў АПК.
Зборныя дружыны на спаборніцтвы выставяць ўсе раёны, а таксама найбуйнейшыя сельскагаспадарчыя арганізацыі Прыдняпроўскага краю. Двухдзённая праграма будзе насычанай і прадугледжвае розныя спаборніцтвы.
Урачыстае адкрыццё на гарадскім стадыёне запланавана на 11.30. З 12.00 ужо пачнуцца спаборніцтвы. Кіданне гранаты і міні-футбол, шахматы і стрытбол, крос і армрэслінг, стральба – спартсмены-аматары праявяць сябе на спартыўных пляцоўках СШ №1, спартыўнай школы і гарадскога стадыёна.
Пасля спартыўнай часткі ўдзельнікі пераедуць у свой палатачны гарадок ва ўрочышчы в. Завадзь Віравая. Тут адбудзецца конкурс «Вясковы кацялок» і музычнае змаганне. Завершыцца першы дзень забаўляльнай праграмай.
29 чэрвеня ўдзельнікі спартакіяды пачнуць а 6.00 са спаборніцтваў па рыбнай лоўлі на рацэ Проня. Працягнуцца спаборніцтвы на гарадскім стадыёне лёгкаатлетычнай эстафетай і пераадоленнем паласы перашкод. Тут жа пройдуць фінальныя матчы па міні-футболе. У спартшколе вызначацца пераможцы першынства па стрытболе. Праграмай таксама запланаваны мітынг з ускладаннем кветак.
Урачыстая цырымонія закрыцця чакаецца а 14.30. Каманды-пераможцы атрымаюць кубкі і медалі, спартсмены – дыпломы і каштоўныя падарункі.
«Правядзенне абласных спартакіяд работнікаў аграпрамысловага комплексу стала добрай, праверанай часам традыцыяй, – падкрэслілі суразмоўцы. – З году ў год удзельнікі з нецярпеннем чакаюць гэтага маштабнага для сельскагаспадарчай галіны рэгіёну спартыўнай падзеі, дзе можна не толькі прадэманстраваць свае фізічныя якасці – сілу, спрыт і цягавітасць, але і праявіць творчыя здольнасці. Падобныя спаборніцтвы таксама спрыяюць згуртаванню працоўнага калектыву і ўсталяванню сяброўскіх сувязяў паміж работнікамі розных прадпрыемстваў».
Пры выкарыстанні матэрыялаў актыўная гіперспасылка на mogilev-region.gov.by абавязковая
31.03.2025 - 12:28
Аляксей Шарай зацверджаны на пасадзе старшыні Крычаўскага райвыканкама
21.03.2025 - 11:05
У Бабруйску «Белая Русь» распрацоўвае маршрут экскурсіі да 80-годдзя Вялікай Перамогі
21.03.2025 - 10:15
20.03.2025 - 14:38
Леанід Заяц: «У Беларусі робіцца ўсё, каб нашыя людзі жылі камфортна, бяспечна, больш забяспечана»
17.03.2025 - 11:27
У Асіповіцкім гарнізоне здалі чарговы арэндны дом для вайскоўцаў