Старшыня Магілёўскага аблвыканкама Леанід Заяц наведаў Мсціслаў і сустрэўся з жыхарамі раёна. Удзел у сустрэчы прыняў дэпутат Палаты прадстаўнікоў Нацыянальнага сходу Ігар Марзалюк.
У раённым Цэнтры культуры і народнай творчасці гаворка ішла аб зробленым ва ўсіх сферах жыццядзейнасці як у Мсціслаўскім раёне, так і краіне ў цэлым.
Старшыня райвыканкама Дзмітрый Пімашэнка расказаў аб сацыяльна-эканамічным развіцці рэгіёна. Ён адзначыў, што вялікая дзяржпадтрымка аказана сельскай гаспадарцы, у горадзе вядзецца будаўніцтва другой чаргі 40-кватэрнага жылога дома, лазні, рамонт паліклінікі.
Леанід Заяц звярнуў увагу на тое, што Мсціслаўшчына вядомая сваімі гістарычнымі месцамі, гераічным мінулым, працоўнымі дасягненнямі людзей. Ён падкрэсліў важнасць развіцця ўсіх сфер жыцця ў нашай вольнай і незалежнай дзяржаве. «Наш абавязак –захаваць і памножыць зробленае», – рэзюмаваў кіраўнік вобласці.
Леанід Заяц адзначыў, што такія сустрэчы даюць магчымасць даведацца пра жыццёвыя праблемы людзей і ў кароткія тэрміны іх вырашыць.
Мсціслаўцы не выпусцілі магчымасць задаць пытанні губернатару. Узрадавалі адказы аб тым, што будзе аказана дапамога ў будаўніцтве лесвіцы да крыніцы на тэрыторыі Пустынскага Свята-Успенскага мужчынскага манастыра, што ў 2021 годзе запланаваны рамонт інтэрната па вуліцы Кірава ў Мсціславе.
Медыцынскія работнікі падзякавалі Леаніду Зайцу за аказаную дапамогу ў барацьбе з каранавірусам і прасілі садзейнічання ў набыцці мэблі для паліклінікі.
Пры выкарыстанні матэрыялаў актыўная гіперспасылка на mogilev-region.gov.by абавязковая
21.08.2025 - 14:17
Члены Савета Рэспублікі актыўна падтрымліваюць хлебаробаў падчас рабочых паездак у рэгіёны
21.08.2025 - 08:56
«Свята лялькi» правядуць у Круглым з разнастайнымі намінацыямі і яркімі прэзентацыямі
20.08.2025 - 17:15
Перспектывы развіцця кансервавай галіны абмеркавалі на рэспубліканскім семінары ў Быхаве
20.08.2025 - 11:12
Зводны атрад камбайнаў з Магілёўскай вобласці адправіўся на дапамогу аграрыям Віцебскай вобласці
19.08.2025 - 16:07
19.08.2025 - 15:18
Шклоўскі раён першым у вобласці намалаціў 100 тысяч тон збожжа