XXX Сусветная летняя ўніверсіяда пройдзе 3-14 ліпеня ў Неапалі (Італія). Прэстыжныя спаборніцтвы праводзяць кожныя два гады пад эгідай Міжнароднай федэрацыі студэнцкага спорту (FISU), паведамляе сайт Міністэрства адукацыі Беларусі.
Мяркуецца, што ў спаборніцтвах прымуць удзел каля 6 тыс. спартсменаў з 120 краін. Спаборніцтвы правядуць па 18 відах спорту: стральба з лука, лёгкая атлетыка, плаванне, дзюдо, таэквандо, баскетбол, скачкі ў ваду, фехтаванне, футбол, мастацкая гімнастыка, спартыўная гімнастыка, рэгбі 7, парусны спорт, кулявая стральба, настольны тэніс, тэніс, валейбол і воднае пола. Будуць разыграны 222 камплекты медалёў.
У склад беларускай спартыўнай дэлегацыі ўвайшлі 45 спартсменаў з 9 ВНУ краіны. Ад Магілёўскай вобласці на ўніверсіяду адправяцца прадстаўнікі МДУ імя А.А. Куляшова Рыгор Пякарскі (плаванне), Анастасія Родзькіна і Анатоль Гомелеў (лёгкая атлетыка).
Усяго беларускія студэнты-спартсмены выступяць у 8 відах спорту: лёгкая атлетыка, плаванне, дзюдо, таэквандо, мастацкая гімнастыка, спартыўная гімнастыка, фехтаванне і тэніс.
Пры выкарыстанні матэрыялаў актыўная гіперспасылка на mogilev-region.gov.by абавязковая
28.08.2025 - 10:18
Хакеісты «Дынама-Шынніка» рыхтуюцца да старту ў новым сезоне МХЛ
19.08.2025 - 09:17
Магіляўчанін Ягор Шарамкоў выступіць на чэмпіянаце свету па спартыўнай гімнастыцы ў Інданезіі
18.08.2025 - 09:12
Сталі вядомы пераможцы чэмпіянату Беларусі па цяжкай атлетыцы
14.08.2025 - 11:37
Новыя спартовыя пляцоўкі з'явіліся ў адзінаццаці школах Магілёва