RU BY EN 中文
Twitter Instagram

Святары заклікалі вернікаў Магілёўскай вобласці выконваць узмоцненыя правілы гігіены

Рэлігійныя канфесіі Магілёўскай вобласці актыўна падключыліся да прафілактыкі каранавіруса. Святары рэкамендуюць вернікам не цалаваць прадметы культавага пакланення.

У праваслаўным кафедральным саборы Магілёва ўстанавілі рукамыйнікі, з’явілася вадкасць для дэзынфекцыі рук. І так – ва ўсіх цэрквах і кляштарах. Да абразоў вернікам рэкамендавана не прыкладвацца. Святы Сінод даслаў ва ўсе епархіі рэкамендацыі па прафілактыцы інфекцыі.

У магілёўскім касцёле Святога Станіслава зменены графік наведванняў такім чынам, каб пазбегнуць аднаразовага масавага сходу вернікаў. Лавы і падлога некалькі раз на дзень апрацоўваюцца антысептычнай вадкасцю.

ТРК «Магілёў»

 

Пры выкарыстанні матэрыялаў актыўная гіперспасылка на mogilev-region.gov.by абавязковая