Сярэдні памер пенсіі па ўзросце пасля пераразліку ў жніўні склаў Br446,84

З 1 жніўня бягучага года ў Беларусі праведзены пераразлік працоўных пенсій. У выніку сярэдні памер назначаных пенсій па ўзросце склаў Br446,84, паведамілі ў Міністэрстве працы і сацыяльнай абароны.

Пераразлік праводзіўся зыходзячы з сярэдняй заработнай платы работнікаў для вылічэння пенсій, якая прымяняецца з мая і праіндэксавана на 7 працэнтаў, - Br925,77. Акрамя таго, 1 жніўня ў сувязі са змяненнем бюджэту пражытачнага мінімуму ў сярэднім на душу насельніцтва праведзены пераразлікі мінімальных працоўных пенсій, сацыяльных пенсій, надбавак, павышэнняў і даплат да пенсій.

«З улікам гэтых пераразлікаў сярэдні памер назначаных пенсій усіх відаў склаў Br432,27, у тым ліку пенсій па ўзросце - Br446,84», - растлумачылі ў Мінпрацы. Атрымальнікамі пенсій па ўзросце ў Беларусі з'яўляюцца больш за 2 млн чалавек.

У студзені гэтыя паказчыкі былі адпаведна на ўзроўні Br381,17 і Br393,27, у ліпені - Br405,05 і Br418, 41.

З улікам праведзенага пераразліку прадугледжваецца да канца бягучага года выйсці на суадносіны сярэдняй пенсіі па ўзросце і сярэдняй зарплаты на ўзроўні не ніжэйшыя за 40 працэнтаў.

БЕЛТА