Традыцыйны рэспубліканскі ўніверсальны кірмаш «Лістапад» пройдзе ў Бабруйску 9–11 кастрычніка

Штогадовы ўніверсальны кірмаш «Лістапад» традыцыйна пройдзе ў бабруйскім Палацы мастацтваў 9–11 кастрычніка. На некалькі дзён вестыбюль і прылеглая пляцоўка ператворацца ў імправізаваны гіпермаркет, дзе кожны можа знайсці «свой» тавар.

На кірмашы будзе прадстаўлена шырокая разнастайнасць тавараў прамысловай групы: абутак, трыкатаж, верхняя вопратка, касметыка, галантарэя і г. д., шырокі асартымент прадуктаў харчавання і кандытарскіх вырабаў, тавары для ўладкавання дома, а таксама мноства дэкаратыўных раслін, кустоў, пладовых саджанцаў і кветак.