Старшакласнікі з Бялыніцкага аграгарадка Галоўчын вывучаюць трактарную справу. Гэтай спецыяльнасцю на працоўным навучанні захапіліся і дзяўчынкі.
Працоўнае навучанне ў Галоўчынскай сярэдняй школе сёлета прапануе падлеткам асвоіць трактар. Прычым нават дзяўчынкі вырашыліся – не займацца шыццём, а сесці за руль. Школьнікі зараз вывучаюць рычагі кіравання, і пракаціцца на трактары ім яшчэ не дазволена. Але кіраванне ўжо не за гарамі.
Трактару «Беларус» – паўтара дзясятка гадоў. Калісьці ў Галоўчынскай школе ўжо вучылі трактарнай справе ў вучэбна-вытворчым камбінаце. Але цяпер вырашылі вярнуцца да той даўняй практыкі, бо правы трактарыста-машыніста маладым людзям за плячыма не насіць. На шчасце, трактар захавалі. Таму зноўку пафарбавалі, адрамантавалі, прайшлі тэхагляд, і... наперад!
Зараз у Галоўчынскай школе вучацца 57 дзяцей. Гэта навучальная ўстанова з вялікай гісторыяй – школе больш за сотню гадоў. Каб яна паўнавартасна жыла і працавала, трэба захоўваць і падымаць прэстыж, каб дзеці з навакольных вёсак выбіралі не райцэнтр, а Галоўчын. Таму тут уважліва ставяцца да ініцыятываў даць дзецям больш ведаў і магчымасцяў.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:00
Што вырошчваюць на пацярпелых ад аварыі на ЧАЭС землях аграрыі Касцюковіцкага раёна
22.04.2024 - 16:29
Вячаслаў Максачоў: Касцюковічы павінны быць лакаматывам паўднёвага ўсходу Беларусі
19.04.2024 - 10:37
Сяўба ранніх збожжавых культур завершана ў СВК «Калгас «Радзіма» Бялыніцкага раёна (відэа)
18.04.2024 - 13:38
18.04.2024 - 09:12
Уся тэхніка на пасяўной у чэрыкаўскім агракомплексе «Светлы» беларускай вытворчасці
17.04.2024 - 12:04