RU BY EN 中文
Twitter Instagram

«Турнір спартыўнай славы» збярэ ў Магілёве юных гімнастаў з чатырох краін

У Магілёўскім Палацы гімнастыкі 26–30 лістапада ўпершыню пройдуць адкрытыя рэспубліканскія спаборніцтвы па спартыўнай гімнастыцы «Турнір спартыўнай славы». Пра гэта паведамілі ў ДСВСУ «Магілёўская гарадская СДЮШАР “Багіма”».

Сваімі выступленнямі гледачоў пацешаць каля 100 таленавітых спартсменаў ва ўзросце ад 7 да 18 гадоў з Латвіі, Расіі, Украіны і Беларусі. Перамога для многіх з іх стане пропускам у нацыянальную зборную, а таксама дазволіць удзельнічаць у прэстыжных міжнародных спаборніцтвах.

Спаборнічаць у мнагабор’і спартсмены пачнуць 28 лістапада. 29 лістапада пачнуцца фінальныя этапы турніру, пасля якіх адбудзецца цырымонія ўзнагароджання і закрыццё спаборніцтваў.

Уваход на трыбуны свабодны.

Пры выкарыстанні матэрыялаў актыўная гіперспасылка на mogilev-region.gov.by абавязковая