Творчасць артыстаў родніць і аб’ядноўвае душы нашых людзей – Леанід Заяц

«Залаты шлягер» шмат гадоў збірае на магілёўскай зямлі зорак сусветнага мастацтва, чыя праца і творчасць, без перабольшання, родніць і аб’ядноўвае душы нашых людзей, робіць нас больш радаснымі і міралюбівымі, адзначыў сёння падчас урачыстага адкрыцця фестывалю старшыня Магілёўскага аблвыканкама Леанід Заяц. 

Ён выказаў вялікую падзяку ўдзельнікам, арганізатарам форума, якія ствараюць для гасцей і жыхароў рэгіёна атмасферу свята. «Прымаць гэты міжнародны музычны фестываль для нас вялікая радасць, шчасце і гонар, – падкрэсліў Леанід Заяц, – бо на песнях «Залатога шлягера» не толькі выраслі мы, але і растуць нашы дзеці».