Рус Бел Eng 中文

Тытул «Студэнт года – 2019! Магілёўскай вобласці заваявала Іна Клечан з інстытута МУС

Напярэдадні Міжнароднага дня студэнта на базе Беларуска-Расійскага ўніверсітэта выбіралі «Студэнта года». За галоўны тытул змагалася шэсць маладых людзей, якія прадстаўлялі ВНУ вобласці. У выніку найлепшай стала курсант 3 курса факультэта міліцыі Магілёўскага інстытута Міністэрства ўнутраных спраў Рэспублікі Беларусь Іна Клечан.

Дзяўчына – рознабаковая асоба, камандзір жаночага аддзялення, сяржант міліцыі. Любіць спевы і танцы, захапляецца валейболам, ведае заканадаўчую базу краіны. Удзельнік навуковых канферэнцый, конкурсаў прамоўніцкага майстэрства і вакальніцкага мастацтва. Марыць дзякуючы сваёй прафесіі прыносіць карысць людзям. Цяпер Іне трэба будзе дастойна прадставіць Магілёўскую вобласць на рэспубліканскім этапе конкурсу.

Другое месца заваявала студэнтка інжынерна-эканамічнага факультэта Беларуска-Расійскага ўніверсітэта Марыя Мельнікава. Трэцяе дасталася студэнту 3 курса факультэта матэматыкі і прыродазнаўства МДУ імя А. А. Куляшова Кірылу Шкурко.

Напярэдадні ў сацыяльнай сетцы «УКантакце» і «Instagram» праходзіла інтэрнэт-галасаванне «Я – студэнт», па выніках якога аўтарам найлепшага відэароліка аб студэнцтве, па версіі інтэрнэт-карыстальнікаў, і пераможцам у намінацыі «Студэнт года ONLINE» быў прызнаны студэнт 3 курса факультэта бізнесу і права Беларускай дзяржаўнай сельскагаспадарчай акадэміі Яўген Фамічоў.

Усе ўдзельнікі атрымалі дыпломы, падарункавыя наборы і кветкі ад спонсараў.

Па матэрыяле mogilevnews.by

Пры выкарыстанні матэрыялаў актыўная гіперспасылка на mogilev-region.gov.by абавязковая