У «Бабруйск-Арэне» арганізуюць масавыя навагоднія і начныя катанні для закаханых пар. Пра гэта паведамілі ў адміністрацыі спартыўнага комплексу.

Так, наведвальнікаў тэматычных навагодніх катанняў, якія на гэтым тыдні пройдуць 6 снежня (пятніца – 19.30), 7 снежня (субота – 17.45), 8 снежня (нядзеля – 16.00) чакаюць святочны настрой, конкурсы і салодкія прызы. А ў ноч з 14 на 15 снежня (пачатак сеансу а 00.00) у Лядовым палацы Бабруйска адбудзецца начное катанне для закаханых пар. Тут будзе гучаць рамантычная музыка, арганізуюць гарачыя напоі і фотазону на лёдзе. Усім, хто прыйдзе ў пары, абяцаюць зніжку 50% на квіткі.