У Беларусі адкрываецца сезон загоннага палявання на лася, аленя і казулю

У Беларусі адкрываецца сезон загоннага палявання на капытных жывёл (лася, высакароднага аленя, казулю, дзіка) ў Беларускім таварыстве паляўнічых і рыбаловаў (БТПР).

Загоннае паляванне, у тым ліку з сабакамі, праводзіцца ў светлы час сутак. Пры паляванні на лася, высакароднага і плямістага аленя, лань, дарослага дзіка старэйшага за два гады дазваляецца выкарыстоўваць наразную паляўнічую зброю з дульнай энергіяй кулі звыш 3 тыс. джоўляў, гладкаствольную паляўнічую зброю з выкарыстаннем патронаў, забяспечаных куляй, паляўнічыя лукі і арбалеты. Пры паляванні на казулю і маладняк дзіка да двух гадоў - наразную паляўнічую зброю з дульнай энергіяй кулі звыш 1,5 тыс. джоўляў, гладкаствольную паляўнічую зброю з выкарыстаннем патронаў, забяспечаных куляй або карцеччу, паляўнічыя лукі і арбалеты. Пароды паляўнічых сабак выкарыстоўваюцца па рашэнні карыстальніка паляўнічых угоддзяў.

"У паляўнічых гаспадарках Беларускага таварыства паляўнічых і рыбаловаў забаронена выкарыстанне на калектыўных (загонных) паляваннях патронаў, забяспечаных карцеччу", - звярнулі ўвагу ў БТПР.

Па-ранейшаму дзейнічае часовае палажэнне аб асаблівым рэжыме канфіскацыі, пахавання і (або) знiшчэння рэсурсаў дзікоў на тэрыторыі краіны ў мэтах прадухілення эпізаатыі і іншых надзвычайных сітуацый і ліквідацыі іх наступстваў.

Сезон палявання будзе доўжыцца да 31 снежня.

БЕЛТА