RU BY EN 中文
Twitter Instagram

У Беларусі дазволілі здымаць наяўныя з карткі праз касу магазіна

У Беларусі дазволілі здымаць наяўныя з карткі праз касу магазіна. Адпаведная пастанова Савета Міністраў і Нацыянальнага банка ад 15 мая 2020 года №290/11 афіцыйна апублікавана сёння на Нацыянальным прававым інтэрнэт-партале.

У сельскай мясцовасці, малых гарадскіх паселішчах, тэрыторыі па-за населенымі пунктамі выдача наяўных трымальнікам банкаўскіх картак праз касавае абсталяванне, падключанае да сістэмы кантролю касавага абсталявання, магчымая з 5 чэрвеня 2020 года. На астатняй тэрыторыі краіны – з 1 студзеня 2022 года.

Выдаваць грошы змогуць юрыдычныя асобы, індывідуальныя прадпрымальнікі, якія рэалізуюць тавары, выконваюць работы, аказваюць паслугі.

Сума наяўных, якая выдаецца ў межах адной аперацыі, можа складаць не больш за 5 базавых велічынь уключна (зараз 1 БВ – Br27).

Пастанова ўступае ў сілу з 5 чэрвеня.

БЕЛТА

 

Пры выкарыстанні матэрыялаў актыўная гіперспасылка на mogilev-region.gov.by абавязковая