У Беларусі зрушаны тэрміны ўступнай кампаніі. Адпаведная пастанова Міністэрства адукацыі апублікавана на Нацыянальным прававым інтэрнэт-партале.
Так, з 25 па 31 ліпеня будуць прымацца дакументы ад абітурыентаў, якія паступаюць ва ўстановы вышэйшай адукацыі за кошт сродкаў бюджэту і на платнай аснове. Тэрміны прыёму дакументаў у Акадэмію МУС, Магілёўскі інстытут МУС, Універсітэт грамадзянскай абароны МНС - з 25 ліпеня па 10 жніўня, у Беларускую дзяржаўную акадэмію мастацтваў, Беларускую дзяржаўную акадэмію музыкі, Беларускі дзяржаўны ўніверсітэт культуры і мастацтваў - з 25 ліпеня па 13 жніўня, у іншыя ВНУ - з 25 ліпеня па 15 жніўня.
Даты ўступных іспытаў: з 1 па 3 жніўня - ва Універсітэце грамадзянскай абароны Міністэрства па надзвычайных сітуацыях, Ваеннай акадэміі, на ваенных факультэтах ВНУ, з 1 па 7 жніўня - у іншых установах вышэйшай адукацыі (акрамя завочнай формы атрымання адукацыі ў ВНУ сельскагаспадарчага профілю). На завочную форму атрымання адукацыі ў ВНУ сельскагаспадарчага профілю іспыты пройдуць з 6 па 15 снежня.
Тэрміны залічэння абітурыентаў на бюджэтныя месцы на спецыяльнасці, па якіх не здаюцца ўступныя іспыты: у Ваеннай акадэміі, Інстытуце пагранічнай службы, Універсітэце грамадзянскай абароны Міністэрства па надзвычайных сітуацыях, Беларускім дзяржаўным універсітэце культуры і мастацтваў, на ваенных факультэтах ВНУ - па 4 жніўня, у іншых дзяржустановах вышэйшай адукацыі (акрамя завочнай формы атрымання адукацыі ў ВНУ сельскагаспадарчага профілю) - па 6 жніўня, на завочную форму атрымання адукацыі ў ВНУ сельскагаспадарчага профілю - па 20 снежня.
Тэрміны залічэння абітурыентаў на бюджэтныя месцы на спецыяльнасці, па якіх здаюцца ўступныя іспыты: у дзяржаўных установах вышэйшай адукацыі (акрамя завочнай формы атрымання адукацыі ў ВНУ сельскагаспадарчага профілю і на ваенных факультэтах) - з 10 па 11 жніўня, на ваенных факультэтах - па 5 жніўня, на завочную форму ў ВНУ сельскагаспадарчага профілю - па 20 снежня.
Тэрміны залічэння абітурыентаў на месцы, устаноўленыя лічбамі прыёму для атрымання вышэйшай адукацыі на платнай аснове: ва ўстановы вышэйшай адукацыі (акрамя завочнай формы атрымання адукацыі ў ВНУ сельскагаспадарчага профілю) - па 17 жніўня, на завочную форму атрымання адукацыі ў ВНУ сельскагаспадарчага профілю - па 20 снежня.
Гэта пастанова ўступае ў сілу пасля яе афіцыйнага апублікавання.
Пры выкарыстанні матэрыялаў актыўная гіперспасылка на mogilev-region.gov.by абавязковая
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці