У Беларусі з’явіліся новыя тарыфныя групы юрыдычных асоб і ІП для разлікаў за электраэнергію. Гэта прадугледжана пастановай Міністэрства антыманапольнага рэгулявання і гандлю і Міністэрства энергетыкі ад 24 чэрвеня 2019 года № 52/22, якое афіцыйна апублікавана на Нацыянальным прававым інтэрнэт-партале.
Так, асобны ўзровень тарыфаў можа быць устаноўлены на электрычную энергію, спажываемую бюджэтнымі арганізацыямі на патрэбы ацяплення і гарачага водазабеспячэння.
У новую групу таксама аднесены арганізацыі, якія займаюцца эксплуатацыяй жылфонду ці прапануюць ЖКП, арганізацыі забудоўшчыкаў, таварыствы ўласнікаў у частцы выкарыстання электраэнергіі ў электранагравальных устаноўках для аказання паслуг ацяплення і гарачага водазабеспячэння ў шматкватэрных жылых дамах.
Асобная тарыфная група створана таксама для СЗАТ «Кампанія па развіцці індустрыяльнага парку» (Кітайска-беларускі індустрыяльны парк «Вялікі камень». – Заўвага БелТА).
Тарыфная група – група спажыўцоў, для якой можа дыферэнцавана ва ўстаноўленым заканадаўствам парадку вызначацца ўзровень тарыфу на электрычную і (або) цеплавую энергію.
Пры выкарыстанні матэрыялаў актыўная гіперспасылка на mogilev-region.gov.by абавязковая
04.12.2019 - 14:59
На калегіі Камітэта дзяржкантролю Магілёўскай вобласці падвялі вынікі праверкі БДСГА
02.12.2019 - 11:17
02.12.2019 - 07:59
ЕАБР прафінансуе закупку для Расіі 5 тыс. ліфтаў «Магілёўліфтмаша»
29.11.2019 - 08:52
29.11.2019 - 08:49
КДК выявіў парушэнні ў арганізацыі палявых работ у Магілёўскай вобласці