У Быхаўскім раёне ў бягучым годзе рэалізавалі два інвестыцыйныя праекты і далі старт трэцяму. Пра гэта расказаў старшыня Быхаўскага райвыканкама Дзмітрый Марціновіч.
Адзін з інвестпраектаў – стварэнне турыстычнага комплексу на беразе Чыгірынскага вадасховішча: альтанкі, шэзлонгі, камфортны адпачынак ля вады ў маляўнічым месцы, домікі ў арэнду. Тут з’явілася два дзясяткі новых працоўных месцаў.
За кошт прыцягнення інвестыцый у раёне таксама пашырылі вытворчую пляцоўку на прадпрыемстве «Агралінк», змянілі тэхналогію і павялічылі аб’ёмы вытворчасці інкубацыйных яек.
Нядаўна ў Быхаве пачалі рэалізацыю яшчэ аднаго інвестпраекта па будаўніцтве электрастанцыі на аднаўляльных крыніцах энергіі: дранцы і дровах. Яе магутнасць складзе 10,5 МВт. Па словах Дзмітрыя Марціновіча, гэта актуальны для раёна кірунак, паколькі недзелавая драўніна мясцовага лясгаса будзе выкарыстоўвацца для вытворчасці электраэнергіі. Акрамя таго, электрастанцыя – гэта дадатковыя працоўныя месцы і падаткі.
З пачатку года Быхаўскі раён прыцягнуў больш за $ 540 тыс. інвестыцый. У перспектыве тут разлічваюць прыцягнуць фінансавыя сродкі ў сельгасвытворчасць – тую сферу, якая мае найбольшую патрэбу ў эфектыўным развіцці.
Па матэрыяле ТРК «Магілёў»
Пры выкарыстанні матэрыялаў актыўная гіперспасылка на mogilev-region.gov.by абавязковая
31.03.2025 - 12:28
Аляксей Шарай зацверджаны на пасадзе старшыні Крычаўскага райвыканкама
21.03.2025 - 11:05
У Бабруйску «Белая Русь» распрацоўвае маршрут экскурсіі да 80-годдзя Вялікай Перамогі
21.03.2025 - 10:15
20.03.2025 - 14:38
Леанід Заяц: «У Беларусі робіцца ўсё, каб нашыя людзі жылі камфортна, бяспечна, больш забяспечана»
17.03.2025 - 11:27
У Асіповіцкім гарнізоне здалі чарговы арэндны дом для вайскоўцаў