Больш за 100 работ, створаных жыхарамі Чавускага псіханеўралагічнага дома-інтэрната, аб’яднала выстава «Павер у сябе...», якая адкрылася ў раённым гісторыка-краязнаўчым музеі.
Такая экспазіцыя тут арганізавана ўпершыню. На сценах выставачнай залы размясціліся карціны, іконы, вясельныя ручнікі; вырабы, вышытыя бісерам і крыжыкам. Усе гэтыя працы збіраліся на працягу дзесяці гадоў. Іх аўтары – удзельнікі гуртка «Умелыя ручкі», які працуе пры доме-інтэрнаце.
Сваімі пышнымі і непаўторнымі сувенірнымі вырабамі ўстанова славіцца далёка за межамі Чавускага раёна. Прадстаўляючы іх на абласныя конкурсы-выставы сярод дамоў-інтэрнатаў, гурткоўцы неаднаразова станавіліся пераможцамі. Творчасць з’яўляецца адным з відаў тэрапіі і дазваляе развіваць уяўленне, творчыя здольнасці выхаванцаў, – расказала дырэктар дома-інтэрната Таццяна Ваяводава.
Выстава будзе працаваць з панядзелка па суботу з 8.00 да 13.00 і з 14.00 да 17.00. Уваход бясплатны.
Па матэрыяле chausynews.by
Пры выкарыстанні матэрыялаў актыўная гіперспасылка на mogilev-region.gov.by абавязковая
25.07.2025 - 12:11
25 ліпеня на Чыгірынскім вадасховішчы стартуе музычны фестываль «Вялікая бард-рыбалка»
24.07.2025 - 14:49
24.07.2025 - 14:42
Сенатар Аляксандр Гарошкін паглядзеў, як Крычаў рыхтуецца да «Дажынак»