Рус Бел Eng 中文

У фінал нацыянальнага адбору да дзіцячага музычнага конкурсу «Віцебск» прайшло трое юных артыстаў з Магілёва

Падчас падрыхтоўкі да XXIX Міжнароднага фестывалю мастацтваў «Славянскі базар у Віцебску» Міністэрства культуры праводзіць адбор прадстаўнікоў Беларусі на ўдзел у XVIII Міжнародным дзіцячым музычным конкурсе.

Нядаўна ў Маладзёжным тэатры эстрады адбыўся другі этап адборачных тураў: экспертныя групы праглядалі прадстаўленыя прэтэндэнтамі відэаматэрыялы. У выніку вызначана 10 выканаўцаў для ўдзелу ў фінале нацыянальнага адбору. У іх ліку тры артысты з Магілёва –Арына Пехцерава, Дзмітрый Пухоўскі, Ульяна Цішчанка.

Арына Пехцерава і Дзмітрый Пухоўскі займаюцца вакалам у Магілёўскім прадзюсарскім цэнтры «Анёлы дабра». Юныя таленты найбольш вядомыя як удзельнікі вакальнага тэлевізійнага конкурсу «Голас. Дзеці 6 сезон».

Ульяна Цішчанка – салістка вакальна-харавой студыі «Сузор’е».

Фінал нацыянальнага адбору да міжнародных конкурсаў пройдзе 14 сакавіка ў Палацы культуры Ліды.

Пры выкарыстанні матэрыялаў актыўная гіперспасылка на mogilev-region.gov.by абавязковая