Рус Бел Eng 中文

У Глускім раённым гісторыка-краязнаўчым музеі ўвесь жнівень будзе працаваць выстава «Вуліцы майго мястэчка»

У Глускім раённым гісторыка-краязнаўчым музеі ўвесь жнівень будзе працаваць выстава «Вуліцы майго мястэчка». Ідэю арганізацыі такой экспазіцыі падалі самі глушчане, распавяла дырэктар установы культуры Наталля Акуліч. 

У музей сталі звяртацца жыхары і госці райцэнтра з пытаннем: дзе можна ўбачыць старыя здымкі Глуска, якія былі прадстаўленыя на выставах рэтрафатаграфій, праведзеных у Дзень Перамогі і Дзень Незалежнасці рэдакцыяй газеты «Радзіма»?

Цяперашняя экспазіцыя ўключае фатаграфіі розных гадоў з архіваў райгазеты і гісторыка-краязнаўчага музея з пачатку XX стагоддзя і амаль да нашых дзён. Тут адлюстравана жыццё Глуска: дэманстрацыі, святы, адкрыццё помнікаў, вуліцы пасёлка, праца і калектывы прадпрыемстваў, будні мясцовых жыхароў. Акрамя таго, у выставу ўключаны матэрыялы з фондаў Глускага бюро па дзяржаўнай рэгістрацыі і зямельным кадастры. Гэта падрабязныя карты-схемы вуліц раённага цэнтра 1960-1970-х гадоў, дзе глушчане без намаганняў знойдуць свае вуліцы і дамы, на якіх падпісаны імёны іх уладальнікаў таго часу. Ёсць і сучасная карта Глуска.

Па матэрыяле glusk.by

Пры выкарыстанні матэрыялаў актыўная гіперспасылка на mogilev-region.gov.by абавязковая