У Магілёўскай вобласці 15 сакавіка арганізуюць працу «гарачых ліній» па пытаннях абароны правоў спажыўцоў у сферы гандлю і паслуг

У Магілёўскай вобласці 15 сакавіка будзе арганізавана работа «гарачых ліній». Патэлефанаваўшы па ўказаных ніжэй нумарах, жыхары Прыдняпроўскага краю змогуць атрымаць даведачна-кансультацыйную інфармацыю па пытаннях абароны правоў спажыўцоў у сферы гандлю і паслуг.

У адпаведнасці з пастановай Савета Міністраў Рэспублікі Беларусь ад 23 ліпеня 2012 г. №667 «Аб некаторых пытаннях працы са зваротамі грамадзян і юрыдычных асоб»звароты, якія паступілі на «гарачую лінію», не падлягаюць рэгістрацыі.

Як паведамілі ў Галоўным упраўленні гандлю і паслуг Магілёўскага аблвыканкама, у сферы абароны правоў спажыўцоў у цэлым па рэгіёне за 2018 год мясцовымі органамі ўлады разгледжана 1088 зваротаў, што амаль на 2% больш, чым у 2017-м. Найбольшая іх колькасць тычылася рознічнага гандлю (602 звароты, або 55,3% ад агульнай колькасці), бытавога абслугоўвання (240, або 22,1%), набыцця тавараў (работ, паслуг) з выкарыстаннем лічбавых тэхналогій, у тым ліку з дапамогай сеткі Інтэрнэт (49), грамадскага харчавання (27).

Па выніках разгляду зваротаў у дасудовым парадку кампенсавана матэрыяльнай шкоды ў памеры Br18 тыс., а ў цэлым – Br21,6. У мэтах аказання дапамогі ўпаўнаважанымі па абароне правоў спажыўцоў складзена 68 іскавых заяў, з іх 46 задаволена судом.

15 сакавіка ў Рэспубліцы Беларусь праводзіцца дзень спажыўца. У 2019 годзе яго галоўнай тэмай абрана «Абарона правоў спажыўцоў у эпоху разумных тэхналогій».