У Магілёўскай вобласці абмежавана купанне ў 2 зонах адпачынку і забаронена ў 6

У Магілёўскай вобласці абмежавана купанне ў 2 зонах адпачынку і забаронена ў 6. Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя.

Купанне дзяцей і дарослых абмежавана ў раёне пляжа Пячэрскага вадасховішча ў Магілёве і гарадскога пляжа па вул. Верхняялаўскай у Чавусах.

Купанне забаронена на гарадскім пляжы на рацэ Днепр і на Грабянёўскім вадасховішчы ў Магілёве, на возеры ў вёсцы Вільчыцы і на Дняпры ў аграгарадку Палыкавічы ў Магілёўскім раёне, на гарадскім возеры па вул. Маладзёжнай у Слаўгарадзе, а таксама на правабярэжжы Дняпра ў Шклове.