У Магілёўскай вобласці падчас «Тыдня лесу» высадзілі больш за 3,5 млн. саджанцаў лесаўтваральных парод, аблесена каля 130 га плошчаў. У праекце прыняло ўдзел 8,5 тыс. чалавек, паведамілі ў Магілёўскім дзяржаўным вытворчым лесагаспадарчым аб’яднанні.
Валанцёры і работнікі лесагаспадарчых устаноў рэгіёна прыбралі на тэрыторыі ляснога фонду каля 1,1 тыс. куб. м смецця, адрамантавалі 68 месцаў адпачынку. Падчас добраахвотнай акцыі ў лясгасах вобласці з’явілася больш за дваццаць алей памяці.
Найбольшая колькасць удзельнікаў была зарэгістравана ў Магілёўскім лясгасе – 1 тыс., Горацкім і Асіповіцкім доследным лясгасах – па 900 чалавек. Найбольшы аб’ём створаных культур адзначаны ў Клімавіцкім, Касцюковіцкім і Краснапольскім лясгасах (больш за 30 га ў кожным), па 200 куб. м смецця і захламленасці прыбрана ў Бялыніцкім і Чэрыкаўскім лясгасах.
Спецыялісты аб’яднання ў першы дзень акцыі на тэрыторыі Бялыніцкага лясгаса заклалі плантацыю навагодніх дрэў. Актыўны ўдзел у гэтай пасадцы прыняло малодшае пакаленне лесаводаў.
У гэтым годзе «Тыдзень лесу» праходзіў у 12-ы раз і быў прысвечаны Году малой радзімы і 75-годдзю вызвалення Беларусі ад нямецка-фашысцкіх захопнікаў.
Магілёўскае дзяржаўнае вытворчае лесагаспадарчае аб’яднанне дзякуе ўсім удзельнікам акцыі «Тыдзень лесу» за неабыякавае стаўленне да лесу і праведзеную працу!
Пры выкарыстанні матэрыялаў актыўная гіперспасылка на mogilev-region.gov.by абавязковая
01.04.2025 - 09:25
Магілёўская вобласць набліжаецца да экватара па сяўбе ранніх яравых збожжавых і зернебабовых
31.03.2025 - 10:27
У Магілёўскай вобласці збожжавыя культуры пасеяны на плошчы 47,9 тыс. га
26.03.2025 - 09:59
Прамую тэлефонную лінію 29 сакавіка правядзе ў Магілёўскім аблвыканкаме Генадзь Дзенгалёў
25.03.2025 - 12:19