У Магілёўскай вобласці прыпынена ў 5 і абмежавана ў 6 з 50 афіцыйна вызначаных для адпачынку зонах. Пра гэта паведамілі ў абласным цэнтры гігіены, эпідэміялогіі і грамадскага здароўя.

Прадпісанне вынеслі супрацоўнікі санітарна-эпідэміялагічнай службы рэгіёна пасля маніторынгу якасці вады. Спецыялісты адабралі 188 проб вады адкрытых вадаёмаў, 21 з якіх не адпавядае гігіенічным нарматывам па мікрабіялагічных і санітарна-хімічных паказчыках.

Па выніках лабараторнага кантролю прыпынена купанне дзяцей і дарослых на Грабянёўскім вадасховішчы, на пляжах Дняпра ў Магілёве і каля вёскі Палыкавічы Магілёўскага раёна, сажалцы ў вёсцы Вільчыцы Магілёўскага раёна, зоне адпачынку «Баравец» Касцюковіцкага раёна.

Абмежавана купанне дзяцей на гарадскім пляжы №1 «Цэнтральны» Бабруйска, месцах адпачынку ля вадаёма Слабадскі і «Пяскі» на рацэ Друць у Бялынічах, «Нежкава» на рацэ Вабіч ў вёсцы В. Нежкаў і «Сажалка Дачная» ў вёсцы Няропля Бялыніцкага раёна.

Спіс месцаў для купання