У Магілёўскай вобласці ў 2019 годзе ўстаноўлены новыя тарыфы на паслугі, якія аказваюцца насельніцтву, па абыходжанні з цвёрдымі камунальнымі адходамі. Адпаведнае рашэнне Магаблвыканкама апублікавана на Нацыянальным прававым інтэрнэт-партале і ўступіла ў сілу з 1 студзеня бягучага года.

Устаноўлены гранічныя максімальныя тарыфы на паслугі, якія аказваюцца насельніцтву і субсідуюцца дзяржавай, па абыходжанні з цвёрдымі камунальнымі адходамі. Так, у жылых дамах, абсталяваных функцыянальным смеццеправодам, тарыф складае Br8,9169 за 1 куб. м, а ў дамах, дзе смеццеправод адсутнічае або не функцыянуе, – Br7,3333 за 1 куб. м.

Тарыфы на паслугі, якія аказваюцца насельніцтву і забяспечваюць поўнае пакрыццё эканамічна абгрунтаваных выдаткаў на іх аказанне, па абыходжанні з цвёрдымі камунальнымі адходамі, устаноўлены ў памеры Br10,0209 і Br8,7007 за 1 куб. м адпаведна ў дамах са смеццеправодам і без яго.