У Магілёўскай вобласці яўка выбаршчыкаў за два дні датэрміновага галасавання склала 11,97%

За два дні датэрміновага галасавання па выбарах дэпутатаў у Палату прадстаўнікоў Нацыянальнага сходу Рэспублікі Беларусь сёмага склікання ў Магілёўскай вобласці свой выбар на карысць таго ці іншага кандыдата зрабіла 11,97% выбаршчыкаў, уключаных у спісы для галасавання.

Як паведамілі ў Магілёўскай абласной выбарчай камісіі, у рэгіёне адкрыты 703 участкі для галасавання. У дні датэрміновага галасавання яны працуюць з 10.00 да 19.00 з перапынкам з 14.00 да 16.00. Аддаць свой голас у падтрымку тых ці іншых кандыдатаў змогуць усе, хто па тых ці іншых прычынах не будзе мець магчымасці прыйсці на выбарчыя ўчасткі 17 лістапада.

Датэрміновае галасаванне на выбарах стартавала 12 лістапада і працягнецца па 16 лістапада ўключна.