У трэцім квартале 2019 года разгорнецца будаўніцтва паліклінікі ў магілёўскім мікрараёне Казіміраўка. Пра гэта паведаміў начальнік галоўнага ўпраўлення па ахове здароўя аблвыканкама Аляксандр Жылін.

«Вызначана крыніца фінансавання, выдзелены ўчастак пад забудову, распрацавана праектна-каштарысная дакументацыя, – заўважыў ён. – Гэта будзе шматфункцыянальная ўстанова, якая аб’яднае ў адзінай структуры дарослую і дзіцячую паліклінікі, стаматалагічнае аддзяленне, жаночую кансультацыю. Такі сучасны корпус дасць магутны імпульс далейшаму развіццю кардыяхірургічнай дапамогі жыхарам Магілёўскай вобласці».

Аляксандр Жылін таксама адзначыў, што ў гэтым годзе здымаецца пытанне аб будаўніцтве кардыяхірургічнага корпуса абласной бальніцы, якое падымалася неаднаразова. Рашэнне аб узвядзенні гэтага корпуса прынята Магілёўскім аблвыканкамам і падтрымана Прэзідэнтам Беларусі.

mogilevnews.by