У Магілёве да мая завершаць рамонт мемарыяла «Лупалаўскі лагер ваеннапалонных»

Мемарыяльны комплекс «Лупалаўскі лагер ваеннапалонных» адрамантуюць у Магілёве да пачатку мая.

Як паведаміў гендырэктар УКП Магілёва Міхаіл Галушкоў, ужо да канца гэтага тыдня плануецца завяршыць рамонт унутры самога мемарыяла – замяніць плітку, сапсаваныя блокі ў сценах, гранітную пліту ля Вечнага агню і гэтак далей. Таксама будуць уладкаваныя і нядаўнія пахаванні астанкаў салдат, знойдзеныя падчас пошукавых работ і раскопак.

Затым наступіць чарга добраўпарадкавання тэрыторыі звонку. Спецыялісты заменяць тратуарную плітку вакол помніка, абновяць асфальтавае пакрыццё, газоны і клумбы. Таксама будзе ўстаноўлена сучаснае асвятленне, з’явяцца новыя лаўкі і урны. Пазней з’явіцца і інфармацыйны стэнд, які раскажа аб мемарыяле і людзях, якія там пахаваныя.

СБ