Рус Бел Eng 中文

У Магілёве праводзіцца месячнік па выкананні заканадаўства ў сферы абыходжання з жывёламі

У Магілёве да 30 чэрвеня абвешчаны месячнік па выкананні заканадаўства ў сферы абыходжання з жывёламі. Пра гэта паведамілі ў гарвыканкаме.

Спецыялісты ЖРЭУ Кастрычніцкага і Ленінскага раёнаў сумесна з прадстаўнікамі РАУС і СМІ праводзяць пазапланавыя рэйдавыя праверкі па выкананні ўладальнікамі патрабаванняў Правілаў утрымання хатніх сабак, катоў, а таксама адлову безнаглядных жывёл, зацверджаных пастановай Савета Міністраў Рэспублікі Беларусь ад 4 чэрвеня 2001 г. № 834. Пры выяўленні парушэнняў будуць прымацца меры адміністрацыйнага ўздзеяння.

Акрамя таго, падчас месячніка плануецца арганізаваць прафілактычныя тэматычныя мерапрыемствы, працу прамых тэлефонных ліній.

 

Пры выкарыстанні матэрыялаў актыўная гіперспасылка на mogilev-region.gov.by абавязковая