Рус Бел Eng 中文

У Магілёве прайшоў фінал абласнога конкурсу для школьнікаў «IT перспектыва»

Фінал абласнога конкурсу для школьнікаў «IT перспектыва» прайшоў на базе інкубатара малога прадпрымальніцтва ААТ«Магілёўскае агенцтва рэгіянальнага развіцця».

Як адзначылі арганізатары, надаючы асаблівую ўвагу прафарыентацыйнай працы ў сферы IT, было прынята рашэнне правесці для школьнікаў конкурс, які дазваляе ахапіць розныя напрамкі інфармацыйных тэхналогій.

«Так, у красавіку стартаваў абласны конкурс «IT перспектыва», які праводзіўся па трох намінацыях: канструяванне і робататэхніка; камп’ютарная анімацыя; вэб-праект, – падзяліліся суразмоўцы. – Агульная тэматыка конкурсу гэтага года – «Мы–дзеці будучыні». Арганізатарамі конкурсу выступілі ААТ «Магілёўскае агенцтва рэгіянальнага развіцця», камітэт эканомікі і галоўнае ўпраўленне па адукацыі Магілёўскага аблвыканкама. Партнёрамі конкурсу сталі рэзідэнты ПВТ: Epam Systems, Artezio, AheadWorks, а таксама камп’ютарная акадэмія«Шаг» (Бабруйск) і асобныя супрацоўнікі IT кампаній».

Да фіналу абласнога конкурсу хлопцы рыхтавалі праекты, пачынаючы з красавіка, пасля чаго прадставілі іх для завочнага разгляду журы. Дзевяць найлепшых работ былі запрошаны на фінал конкурсу.

У фінал увайшлі школьнікі з Магілёва, Бабруйска, Клічава, Чэрыкава і Шклова. Вучні прадставілі свае працы, расказалі пра тое, чаму менавіта гэты кірунак звязваюць з тэмай «Мы–дзеці будучыні», адказалі на пытанні прадстаўнікоў журы аб тэхнічных асаблівасцях праекта.

Пераможцамі конкурсу сталі:

Дыплом 1 ступені:

1. Паліна Самулевіч, вучаніца 9 класа ДУА «Сярэдняя школа № 34 г. Бабруйска», за вэб-праект «Робататэхніка і праграмаванне»;

2. Крысціна Санько, вучаніца 10 класа ДУА «Сярэдняя школа№ 2 г. Чэрыкава», за вэб-праект«Мы – дзеці будучыні».

Дыплом 2 ступені:

1. Мікіта Кандрацьеў, вучань 9 класа ДУА «Сярэдняя школа № 23 г. Бабруйска», за робататэхнічны комплекс «Аўтаматычны школьны званок»;

2. Соф’я Ліхачова, вучаніца 9 класа ДУА «Сярэдняя школа № 21 г. Бабруйска», за вэб-праект «Гульні майго пакалення».

Дыплом 3 ступені:

1. Максім Міхалап, вучань 10 класа ДУДА «Клічаўскі цэнтр дадатковай адукацыі дзяцей і моладзі», за гульню «Клік-Клак»;

2. Юлія Ёшчык і Аляксандра Голуб, вучаніцы 9 класа ДУА «Сярэдняя школа № 34 г. Бабруйска», за робататэхнічны комплекс«Робат дастаўшчык».

Усе пераможцы атрымалі дыпломы і каштоўныя прызы ад арганізатараў і партнёраў конкурсу, а педагогі, якія падрыхтавалі фіналістаў, – падзячныя адрасы.

Варта адзначыць, што Магілёўскае агенцтва рэгіянальнага развіцця з моманту свайго стварэння надае вялікую ўвагу пытанню падтрымкі і развіцця творчых здольнасцяў моладзі ў IT-сферы. Агенцтвам праводзіліся конкурс юнага вэб-дызайнера, конкурсы камп’ютарнай графікі, конкурс відэаролікаў і інш. З 2017 года агенцтва стала ініцыятарам уключэння ў праграму Магілёўскага фестывалю навук, які арганізуецца беларуска-Расійскім універсітэтам, каманднай алімпіяды па праграмаванні. Для ўсіх стаў звыклым камандны турнір па праграмаванні Coding-Fest, які з мінулага года ўключаны ў пералік стартап-мерапрыемстваў Міністэрства эканомікі. У лістападзе гэтага года турнір пройдзе ўжо пятым разам.

Пры выкарыстанні матэрыялаў актыўная гіперспасылка на mogilev-region.gov.by абавязковая