У першы дзень датэрміновага галасавання ўдзел у выбарах Прэзідэнта Беларусі прыняло 4,66% выбаршчыкаў Магілёўскай вобласці

У першы дзень датэрміновага галасавання ўдзел у выбарах Прэзідэнта Рэспублікі Беларусь прыняло 4,66% выбаршчыкаў Магілёўскай вобласці. Усяго ў спісах грамадзян, якія валодаюць выбарчым правам, налічваецца больш за 800 тыс. чалавек, паведамілі ў абласной камісіі.

Нагадаем: датэрміновае галасаванне пачалося за 5 дзён да асноўнай даты выбараў – 9 жніўня. Яно працягнецца па 8 жніўня ўключна. У гэты перыяд выбарчыя ўчасткі працуюць штодня з 10.00 да 14.00 і з 16.00 да 19.00. Пры сабе выбаршчыку трэба мець пашпарт. Бюлетэнь выдаецца таксама пры прад’яўленні ваеннага білета (для ваеннаслужачых тэрміновай службы), службовага пасведчання работніка дзяржоргана (арганізацыі), вадзіцельскіх правоў. Прагаласаваць можна і па пенсійным пасведчанні, пасведчанні інваліда (пры наяўнасці фатаграфіі), студэнцкім білеце. Калі выбаршчык страціў пашпарт або яго ўкралі, то на ўчастак яму трэба ўзяць з сабой даведку з органаў унутраных спраў, якая пацвярджае асобу грамадзяніна.