Будаўніцтва новага дзіцячага садка пачалі ў Слаўгарадзе, паведаміла старшыня Слаўгарадскага раённага Савета дэпутатаў Святлана Язерская.
У раёне вуліцы Калініна пачалі ўзводзіць дзіцячы сад, ужо заліваюць падмурак. Установу дашкольнай адукацыі, разлічаную на 75 дзяцей, плануецца адкрыць ужо ў гэтым годзе. Вуліца Калініна ў Слаўгарадзе знаходзіцца ў мікрараёне шматкватэрных жылых дамоў. Тут пражывае вялікая колькасць маладых сем’яў, ёсць і шматдзетныя. Для развіцця мікрараёна і для зручнасці яго жыхароў неабходны дзіцячы садок, адзначыла яна.
«У новым мікрараёне ўжо атрымала жыллё 96 шматдзетных і 68 маладых сем’яў, 8 дзяцей-сірот. Нядаўна пабудавалі 32-кватэрны жылы дом, у якім ёсць кватэры і для маладых спецыялістаў. Акрамя жылля, мы павінны даць гараджанам развітую і даступную інфраструктуру. І пачаць гэтую працу было вырашана з будаўніцтва дашкольнай установы адукацыі», – расказала Святлана Язерская і дадала, што ў мікрараёне пражывае 206 дзяцей ва ўзросце ад 0 да 6 гадоў. З іх 130 дзяцей наведвае дзіцячыя сады горада. 7 дзяцей падвозяць транспартам аддзела адукацыі, спорту і турызму райвыканкама ў Папоўскі яслі-сад.
Зараз у горадзе працуе 3 установы дашкольнай адукацыі, разлічаныя на 445 месцаў.
Пры выкарыстанні матэрыялаў актыўная гіперспасылка на mogilev-region.gov.by абавязковая
27.03.2024 - 15:24
Мінпрам завяршае рэалізацыю пілотных праектаў па забеспячэнні электратранспартам рэгіёнаў Беларусі
26.03.2024 - 16:38
26.03.2024 - 16:27
У цэнтры ўвагі - пытанні аховы працы. Рэйдавая група ФПБ працавала ў Горацкім раёне.
26.03.2024 - 09:20
25.03.2024 - 14:20